الكومى
مرحبا بك فى منتديات الكومى
نتمنى لكم قضاء اسعد الاوقات واطيبها فى منتدى الكومى

اشعار جامده تستاهل الدخول بصراحه

استعرض الموضوع السابق استعرض الموضوع التالي اذهب الى الأسفل

اشعار جامده تستاهل الدخول بصراحه

مُساهمة من طرف محمد مسلم في الأربعاء مارس 31, 2010 12:14 pm

وفضلت استنى استنى


وفضلت استنى استنى
لحد ما عدى آخر قطر وفات
حزنت قعدت أعيط أعيط
تعبت م العياط
قلت أتمشى أتسلّى
أتفرج ع الشوارع والناس و
العربيات
زهقت
قلت أرتاح
سندت على روحى
إتلخبطت جوايا كل الحاجات
مديت إيدى ف جيوبى
لقيت شويه ورق قديم
وصور وكروت تليفونات
قلت أكلّم مراتى
افتكرت إنها خدت الدوا
ونامت من تلات ساعات
قلت أكلّم اخويا
افتكرت إنه طلع معاش مبكر
وكاره تاريخه.. ومركّز فى التأمينات
أكلّم أختى
ها تعيد وتقول نفس الحكايات
أكلّم خالى
افتكرت انه غتت غتاته
ومعايا أنا بالذات
أكلّم خالتى
قلت يا واد
دى كانت خالتى وخالتك... واتفرقت
الخالات
أكلّم صاحبى صلاح
افتكرت انه سافر العراق
وفى احتمال يكون مات
قلت أنا أصطاد موزه
واعمل دماغ
بس معرفش حد بتاع
مخدرات
قلت امشى فى مظاهرة
لقيت العساكر راجعين.. مشطّبين
على كل المظاهرات
قلت اتصل بالساده المسؤلين
هايتهمونى بإزعاج السلطات
قلت يا رب
أنا إيه
وليه
ونسيت إيه
وقطر إيه ده اللى فات
الله يرحمك بقى يابا
والفاتحة على كل الأموت


للشاعر /على سلامه


وللحديث بقيه

_________________




و من يتهيب صعود الجبال *** يعش أبد الدهر بين الحفر

Mohammed Moslem
aboumoslem_mo@yahoo.com
avatar
محمد مسلم

العمر : 23
عدد الرسائل : 49
تاريخ التسجيل : 14/09/2009

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى